Хабиб Нурмагомедов ласкаво зборуваше за својот штитеник и директен наследник во светот на УФЦ – Ислам Махачев. Го прогласи за најдобар борец во светот по нокаутот над Александар Волкановски на УФЦ 294 во Абу Даби.
„Најдобриот борец во светот во моментов. Те сакам брат и ти честитам“, напиша Дагестанецот на социјалните мрежи и објави фотографија од шампионот во лесна категорија.
На почетокот на годината, имаше доста контроверзии околу легитимноста на победата на Ислам над Волкановски во Австралија, бидејќи на некои повеќе им се допадна борбата во стој на „Волк“, а други го претпочитаа борењето на Русинот. Сепак, сите сомнежи сега се отфрлени бидејќи нивниот реванш е завршен за една рунда.
View this post on Instagram
