Поранешниот шампион на УФЦ во лесна категорија (до 70 килограми), а сега член на Куќата на славните, Русинот Хабиб Нурмагомедов проговори за крајот на својата боречка кариера.
Непоразената ѕвезда од Дагестан се пензионираше во 2020 година. Оваа одлука ја донесе по победата над Џастин Гејџи во Абу Даби. Одлуката беше диктирана од фактот дека во летото 2020 година таткото на Хабиб почина во Москва. Абдулманап Нурмагомедов имал КОВИД, како и проблеми со срцето.
Веќе по смртта на неговиот татко Хабиб разговарал со неговата мајка. Тие се согласиле дека треба да води уште една битка, а потоа да се повлече. „Орелот“ и вети на мајка си дека повеќе нема да се бори и си стои на зборот веќе 3 години. УФЦ очигледно му нуди големи пари за да се врати, но Хабиб не е заинтересиран за пари.
„Татко ми почина на 3 јули и околу три недели потоа разговарав со мајка ми. Заедно со неа решивме да ставиме крај на мојата кариера. Од тој момент, само јас и мајка ми знаевме за тоа. Лично му напишав на Дана Вајт и реков дека сум за борбата со Гејџи. Само јас и мајка ми тогаш знаевме дека ова е мојата последна борба. Никој друг не знаеше за тоа, никому не кажав.
Кога сте најдобриот борец на светот, кога сте полн со моќ и имате пари и слава, многу е тешко да се откажете од сето тоа. Не е лесно да се одбие платата од 20-30 милиони долари. Но, за мене лично сите овие работи не се на прво место. Тоа не е најважното нешто. Тоа не беше лесна одлука, но штом ја донесов, таа стана конечна. Се откажав од спортот и среќен сум. Не жалам што ја донесов оваа одлука.
Татко ми беше многу силен психички. Го добив ова од него. Ме научи на сите овие работи. Се сеќавам кога ја имавме најголемата борба во историјата на УФЦ, беше многу тешко. Бев во САД без татко ми. Ми се јави и ми рече: „Знаеш ли како луѓето прават дијаманти? Под највисок притисок.
Значи, кога ќе го доживеете, можете или да станете дијамант или да бидете скршени. Има само две опции. Имаш избор пред себе. „Тој ме учи на такви работи цел живот“, изјави Нурмагомедов во интервју за ЕСПН.
Очигледно Нурмагомедов ќе си го одржи зборот и нема да се врати во ММА.
View this post on Instagram
