Хабиб: Мухамед Али е најдобриот боксер во последните 100 години
Хабиб Нурмагомедов не е од оние луѓе што често зборуваат пофално за некого.
Но, оваа недела, тој не остави никаков сомнеж за тоа кого го смета за најголем спортист во изминатите 100 години. Нурмагомедов е убеден дека тоа е легендарниот Мухамед Али. Според Хабиб, не станува збор само за достигнувањата на Али во рингот. Станува збор за сè за што се залагал Али.
„Неговите победи, неговата порака, неговата храброст. Тој допре и инспирираше милиони луѓе“, рече Хабиб.
Поранешниот шампион на УФЦ дури го нарече Али најголемиот човек што некогаш се занимавал со спорт. Не каков било боксер, туку икона која ги надмина границите на својот спорт. Хабиб рече дека му се восхитува на Али поради неговите принципи и начинот на кој се залагал за она во што верувал, дури и кога тоа го чинеше светската титула и неговата слобода.
Али не беше само борец, беше глас. Покажа дека спортистите можат да го променат светот надвор од рингот. И тоа е она што го прави уникатен. Ако зборуваме за Флојд Мејведер како личност, никој не сака да биде како него. Но, погледнете го Али, кој повеќе не е со нас, но инспирираше милијарди. Но, кога Флојд ќе умре, тогаш сите ќе го заборават“, рече Хабиб.
Во време кога елитните спортови често се вртат околу парите и егото, Хабиб верува дека наследството на Али нè потсетува на она што навистина е важно: почит, храброст и карактер. Изјавата на Хабиб беше широко споделена на интернет. Обожавателите реагираа мешано.
Некои целосно се согласија со него, додека други посочија спортисти како Мајкл Џордан, Пеле и Усеин Болт како поголеми имиња. Сепак, мнозинството се чини дека се согласува со Хабиб. Али не беше само спортски херој, туку и општествен симбол. Некој што преземаше ризици за своите верувања и продолжи да се бори дури и надвор од рингот.
View this post on Instagram
