Бразилците Тијаго Сантос и Гловер Тешеира се бореа во главната борба на УФЦ Фајт најт 182 во Лас Вегас. Тешеира славеше со прекин во третата рунда и се промовираше во предизвукувач за титулата во полутешка категорија на Јан Блахович.
Нивната борба беше многу интересна и си нанесоа голема штета. Во првата рунда, Сантос беше многу агресивен во стој и го сруши Тешеира по добрата комбинација на крошеа. Гловер беше близу до пораз, но се опорави и ја однесе борбата на партер, каде што доминираше до крајот на рундата и зададе солиден граунд и паунд.
Во втората рунда Тешеира ја пренесе битката на партер од почетокот, каде ја наметна својата тактика и имаше 5-минутна контрола. На крајот од втората рунда, Гловер направи акција за предавање и беше на секунди од победата, но сирената го спаси Сантос. Во третата рунда Сантос успеа да го запре обидот да го сруши Гловер, па тој го собори.
Сантос побрза да ја заврши битката, но Тешеира го издржа нападот и пак преживеа. 41-годишниот ветеран повторно ги сврте работите и зазеде доминантна позиција. Тешеира примени нов зафат за предавање, при што овој пат го натера сонародникот да се предаде. Така нивната битка заврши во средината на третата рунда со победа со завршница за стариот волк.
Со оваа победа Тешеира влегува во серија од пет последователни победи, од кои четири се со завршница и ќе стане неоспорен предизвикувач за титулата. Сантос, пак, влегува во серија од два последователни порази. Во интервју по мечот Гловер го повика Дана Вајт да добие шанса против Блахович.
УФЦ Фајт најт 182 – Резултати:
Гловер Тешеира – Тијаго Сантос со ЗАВ Р 3
Андреј Арловски – Танер Босер со одлука
Раони Барселос – Калид Таха со одлука
Гига Чикадзе – Џејми Симонс со ТКО
Јан Шаонан – Клаудија Гадеа со одлука
Тревин Гилс – Бивон Луис со ТКО
Александар Романов – Маркос Рожерио де Лима со ЗАВ
Дарен Елкинс – Луис Едуардо Гарагори со ЗАВ
Макс Грифин – Рамиз Брахимаи со ТКО
Густаво Лопез – Ентони Барчак со ЗАВ
