Фрeнсис Нгану едвај чека да ја види мајка му во живо. Новиот шампион на УФЦ во тешка категорија гори од желба да се врати дома во Камерун и да се види со своите роднини. „Предаторот“ веќе е на врвот во тешка категорија и пред една недела успеа да се справи со Стипе Миочиќ.
Нгану е во серија од пет последователни победи со нокаут и планира да направи уште две борби годинава. Сака да биде активен во кафезот и да не го задржува развојот во категоријата. Френсис помина низ пекол за да стигне до титулата на најголемата ММА организација во светот.
Неговата приказна е една од најинспиративните во историјата на спортот. На својот профил на социјалните мрежи Нгану рече дека едвај чека да ја стави титулата на рамото на неговата мајка.
„Едвај чекам да и ја покажам титулата во живо и да и ја ставам на рамото.крунисана мајка и шампион“, напиша Нгану.
