Флојд Мејведер најави борба со кикбоксер во јуни во Атина
Американската боксерска легенда ќе се бори во Атина во јуни пред да се упати кон реваншот против Мани Пакијао во Лас Вегас
Поранешниот светски шампион во пет категории, Флојд Мејведер Јуниор, повторно го привлече вниманието кон себе со две нови големи најави. Американецот ќе се соочи со грчкиот кикбоксер Мајк Замбидис во јуни во Атина, а неговиот реванш против Мани Пакијао ќе се одржи на 19 септември во Лас Вегас.
Замбидис, кој се повлече од активното натпреварување во 2015 година, има импресивен кикбокс скор од 157 победи, од кои 87 со нокаут. Судирот со Мејведер ќе биде сериозен предизвик, иако во демонстративен формат, и ќе привлече значителен интерес во Грција.
Мејведер, кој се повлече од професионалниот бокс непоразен со резултат од 50-0, немал официјален меч од 2017 година, кога го победи Конор Мек Грегор. Пред тоа, тој го победи Пакијао во 2015 година во таканаречената „Борба на векот“, добина со едногласна одлука, како и над Андре Берто.
Ревваншот против Пакијао ќе се одржи 11 години по нивната прва средба. Филипинецот изгради и легендарна кариера со титули во повеќе категории, а во 2025 година се врати на рингот и се соочи со Марио Бариос, борбата заврши нерешено.
Претстојните настани повторно го ставаат Мејведер во центарот на светскиот боксерски интерес и покажуваат дека дури и по завршувањето на неговата активна кариера продолжува да генерира глобално внимание и сериозен комерцијален импулс.
View this post on Instagram
