Тајсон Фјури посочи изненадувачко име за кое рече дека е потенцијална опасност и дека може да го победи во рингот. Според „Ромскиот крал“, кој има 31 победа во рингот и едно реми, што му ја донесе титулата на ВБЦ во тешка категорија, со шанса против него има само … Џо Џојс!
Британецот е сребрен медалист на Олимписките игри во Рио во 2016 година, и моментално е во серија од 13 последователни победи во професионалниот ринг. Тој е главен предизвикувач за титулата ВБО, која ја држи Александар Усик.
Џојс шокира многумина откако нокаутираше друг британски боксер, номиниран за иден шампион – Даниел Дубоа, по што го откажа ветеранот Карлос Такам. Неговата победа го натера Фјури да верува дека Џугнарнаут е следната сериозна закана за престолот.
„Тајсон ми рече дека по него во моментов Џојс е најдобар. Неговото мислење е дека Џо може да биде закана за светскиот престол бидејќи е силен, има издржливост и големо срце. Секогаш оди напред и може да издржи тешки удари“, рече еден од агентите на Фјури, Френк Ворен.
Менаџерот додава дека Џојс може да го победи Усик, што значи дека има шанса во меч со шампион од рангот на Фјури. Според него, сето тоа е прашање на соодветен став и подготовка.
