Шампионот во мува категорија на УФЦ, Дејвсон Фигередо бил во болница до 2 часот по полноќ пред да влезе во октагонот против Брендон Морено.
Тие имаа фантастичен меч кој заврши нерешено, а освојувачот на титулата откри изненадувачки детали од пресрет на судирот.
„Имав инфекција на стомакот претходната вечер. Бев во болница до 2 часот по полноќ, дојдов да се борам со стомак полн со ветер, не знаев дали ќе успеам да се справам. Мечот беше пет рунди, но во реалноста победив. Дури и со болен стомак, дојдов и го бранев она што е мое“, му рече Фигередо на Џо Роган.
Неговиот менаџер Валид Исмаил откри дека по средбата шампионот бил повторно хоспитализиран на прегледи. Исмаил за ММА Фајтинг изјави дека проблемите се поврзани со слабеењето.
