Британскиот боксер Ентони Џошуа сака да ги победи Дилиен Вајт и Дионтеј Вајлдер за да заработи меч за светска титула против неговиот сонародник Тајсон Фјури.
Поранешниот двократен шампион во тешка категорија се подготвува за реваншот против Вајт на 12 август во лондонската О2 арена.
На истиот настан најдобриот хрватски боксер Филип Хрговиќ ќе ги одмери силите против Демси МекКин, а победникот ќе стане задолжителен предизвикувач на ИБФ и ќе биде прв во редот за мечот против подобриот од борбата Усик-Дубоа.
А за Џошуа, победата против неговиот лут ривал ќе ја отвори вратата за голем меч против Вајлдер на крајот на годината во Саудиска Арабија.
Промоторот Еди Херн признава дека Еј Џеј би можел да биде во сериозна неволја доколку загуби од Вајт.
Неодамна, шампионот на ВБЦ, Тајсон Фјури, договори боксерски меч со поранешниот шампион на УФЦ, Френсис Нгану, што предизвика многу критики во светот на боксот.
Сличен став за таа борба има и сопственикот на Мечрум бокс.
„Мислам дека има многу работи во игра, а се се врти околу Тајсон Фјури. Не сакам да го обвинувам, но тој не е секогаш толку искрен како што се прикажува на Инстаграм. Постојано сака нешто со кое може да го храни своето его“, рече Еди Херн и додаде:
„Сите сакаат да ја гледаат борбата меѓу Џошуа и Фјури, дури по борбата Дилиен Вајт и Дионтеј Вајлдер. Потоа на ред треба да дојде Тајсон Фјури, кој го одби мечот против Александар Усик, најголемата и најважната борба. Го одби тој меч бидејќи сакал да се бори со ММА борец кој никогаш не боксирал.
Херн смета дека Фјури не може да се нарече еден од најголемите тешкаши во историјата ако не ги победи Усик и Џошуа.
„Тајсон Фјури се грижи само за парите. Не остави аманет, ги победи Владимир Кличко и Дионтеј Вајлдер, тоа се неговите победи. Треба да ги победи Усик и Еј Џеј и тогаш можеме да зборуваме за него како еден од најголемите тешкаши на сите времиња. За да стане голем човек на модерната ера и да застане покрај Али, Ленокс Луис и Џо Фрејзиер, тој мора да ги победи Александар Усик и Ентони Џошуа“, изјави Еди Херн.
