Британскиот боксер, поранешен светски шампион во тешка категорија Ентони Џошуа не е заинтересиран за бокс со поранешниот шампион на УФЦ во тешка категорија Френсис Нгану.
Во последните месеци Нгану изрази желба да се бори со Џошуа, но британскиот промотер Еди Херн ја отфрли можноста. Херн вели дека Ентони моментално е фокусиран на борбата со Дионтеј Вајлдер. Еј Џеј не гледа како би му користел дуелот со Нгану.
„Разговарав со Ентони за оваа борба. Му се допаѓа идејата за таква борба, но сега е целосно фокусиран на својата боксерска кариера и не сака да го одвлекува вниманието од нешто странично.
Нгану е опасен противник, но Ентони ќе се подготвува за борбата со Дионтеј Вајлдер и не мисли дека борбата со Френсис може да му помогне во тоа“, изјави Херн во интервју за Паб Ток.
Очигледно Нгану ќе мора да го исфрли Џошуа како потенцијален противник.
View this post on Instagram
