Ентони Џошуа и Џејк Пол се блиску до договор за борба која во декември би требало да се одржи во Мајами

Се чини дека Џејк Пол би можел да обезбеди нов противник откако беше откажана борбата против Џервонта Дејвис, која требаше да биде главна ѕвезда на настанот во Флорида на 14 ноември.

Имено, поранешната девојка на „Тенк“, Кортни Росел, поднесе тужба против светскиот шампион во лесна категорија, што вклучува киднапирање и нанесување телесни повреди.

Промотивниот тим на Пол, МВП, работеше зад сцената за да обезбеди противник за презакажаниот датум во декември, а меѓу кандидатите беа Андре Ворд, Френсис Нгану, Нејт Дијаз и Рајан Гарсија.

Но, не е тајна дека популарниот Јутјубер беше во преговори со Ентони Џошуа претходно оваа година, и кога се чинеше дека договорот е блиску, Пол потпиша договор за борба против „Тенк“ Дејвис.

Познатиот новинар Мајк Копингер од „Ринг“ известува дека договорот за дуел меѓу Џејк Пол и поранешниот двократен светски шампион Ентони Џошуа е близу до реализација.

Доколку борбата се одржи, тоа ќе биде првата борба на Џошуа по поразот со нокаут во петтата рунда од Даниел Дубоа на Вембли во септември минатата година.

Промотерот на Џошуа, Еди Херн, не ја криеше желбата Еј-Џеј во 2026 година да се бори во голема британска пресметка против моментално пензионираниот Тајсон Фјури.

Американскиот јутјубер Џејк Пол последен пат се бореше во јуни кога со едногласна одлука го победи Хулио Цезар Чавез Јуниор, а минатиот ноември го победи легендарниот Мајк Тајсон.

Настанот во Мајами ќе се емитува во живо на Нетфликс, што значи дека веројатно е надмината пречката околу ексклузивниот договор на Џошуа со ДАЗН.

‼️ Anthony Joshua and Jake Paul are finalizing a deal for a heavyweight fight on Netflix in December in Miami, sources tell The Ring’s Mike Coppinger.

Paul steps up to fight the former heavyweight champion after his exhibition with Gervonta Davis was cancelled. pic.twitter.com/TEVZUAk3m9

— Ring Magazine (@ringmagazine) November 12, 2025