Тајсон Фјури со одбрани зборови го опиша квалитетот на Усик додека размислува за трилогија со Украинецот

Љубителите на боксот сè уште се надеваат дека 37-годишниот Тајсон Фјури ќе се врати на рингот. Во јануари, кратко по вториот пораз од Александар Усик, Кралот на Ромите објави крај на кариерата.

Британскиот тешкаш го доживеа првиот пораз во мај против Усик во мечот за апсолутен шампион на кралската дивизија, а потоа неколку месеци подоцна и во реваншот.

Фјури беше во одлична форма дотогаш, двапати ги победи Дионтеј Вајлдер, потоа Дилиен Вајт, Дерек Чисора и Френсис Нгану, иако многумина мислат дека имал доста среќа во мечот против поранешниот шампион на УФЦ.

Во последните неколку недели, во медиумите кружи приказната за потенцијална трилогија меѓу Усик и Фјури, мечот наводно би можел да се одржи во април 2026 година.

Сите знаат колку е добар Тајсон Фјури во менталните игри и како сака да им влегува во главите на противниците со своите изјави, а тој рецепт го примени и на непоразениот Украинец.

Тој користеше разни имиња за Усик кои честопати се граничеа со пристојност. Го нарекуваше мал колбас, џуџе, мало зајче, а украинскиот борец на сето ова најчесто одговараше со насмевка.

Но, кога беше прашан за квалитетите на двократниот апсолутен шампион во тешка категорија во неодамнешното интервју за „Боксинг кинг медиа“, Фјури покажа ретка скромност.

„Усик е посебен талент. Тој е добар боксер“, рече Тајсон Фјури.

Обожавателите се надеваат дека Фјури, ако се врати на рингот, ќе договори дуел со сонародникот Ентони Џошуа.

Последниот меч на Александар Усик беше во јули кога го победи Даниел Дубоа со нокаут во петтата рунда и по втор пат ги обедини титулите во тешка категорија.