Поранешниот шампион и противник на Ентони Џошуа, Енди Руиз, изјави дека не е импресиониран од последната победа на Англичанецот против Кубрат Пулев во декември.
Иако беше нокаутиран, Руиз рече дека не гледа ништо посебно и излезе прогноза за претстојниот меч меѓу Џошуа и Тајсон Фјури.
„Мислам дека ќе биде интересен меч. Се борев со Џошуа, но не се борев со Фјури; тој има чуден стил, но мислам дека Фјури ќе биде победник … Не ме воодушеви последната борба на Џошуа, но и покрај тоа што успеа да направи сé.
Можеби Фјури ќе го победи, зависи од тоа колку ќе се движи и дали ќе боксира … Ентони не се борел со некој што боксира и се движи така. Ќе видиме што ќе се случи“.
Откако загуби од Џошуа, Руиз ангажираше нов тренер, Еди Рејносо, а во моментов тренира со неколку врвни борци.
„Одлично е за мене. Многу е различно од мојот последен тренинг камп. Сега сум многу пофокусиран и посветен … Покрај мене се Канело, Рајан Гарсија и тие многу ме мотивираат. Сакам да бидам подобар од нив, но си помагаме едни на други.
Едвај чекам да се вратам во рингот. Нема да ви кажам против кого, но тоа ќе биде интересен меч“.
Според непотврдени гласини, Руиз се подготвува за битка во април против Крис Ареола.
