Поранешниот светски шампион во бокс, Енди Руиз Јуниор. (34-2, 22 КО) и Луис Ортиз (33-2, 28 КО, 2 НЦ) ќе се пресметаат на 4 септември во Crypto.com Арената во Лос Анџелес во елиминаторен меч за титулата на ВБЦ.
Борците првпат се појавија пред медиумите во пресрет на претстојниот судир.
Енди Руиз се враќа во рингот по нешто повеќе од една година кога со одлука на судиите го победи Крис Ареола.
Американско-мексиканскиот боксер е свесен колку е тврд Ортиз.
„Силен е, незгоден и уште е левучар. Но, тренирам долго време и ќе бидам подготвен за борба. Најважно е што сум активен. Не го потценувам Луис Ортиз, бидејќи и тој доаѓа да се бори. Нема да биде лесна борба. Има поинаков стил од она на што сум навикнат, но напорно се подготвувам за него. Знам дека морам да дадам се од себе за да победувам и да продолжам да освојувам светски титули“, изјави Енди Руиз Јуниор. и додаде:
„Мене таа борба ми личи на меч против Ентони Џошуа, само што Ортиз е левак. Но, тоа не е натпревар во кревање тегови, па се вратив на старите техники на тренирање кои ми помогнаа да станам шампион. Овие подготовки навистина многу ми помогнаа за таа борба. Го видов Луис Ортиз за прв пат во оваа арена и татко ми ми рече дека еден ден ќе се борам со него. Сега дојде тој ден. Ќе им приредиме на луѓето едно пеколно шоу. Борбата нема да оди далеку, но јас сум подготвен за сите 12 рунди“.
Луис Ортиз има две победи во низа, а во својот последен новогодишен меч го совлада Чарлс Мартин со прекин во шестата рунда.
Кубанецот истакнува дека сепак научил нешто од таа последна борба, а лекциите што ги научил добро ќе му дојдат во борбата против Руиз.
„Благодарен сум што можам повторно да се борам на врвно ниво. Благодарен сум на Енди што ја прифати борбата и навистина се радувам на тоа. Се подготвува за најдобриот Енди, бидејќи знам дека тој не е секој борец. Тој е поранешен светски шампион и тоа не се случува случајно. Подготвен сум за него и многу сум возбуден поради таа борба“, изјави Луис Ортиз и продолжи:
„Навивачите ќе видат двајца борци кои сакаат да се борат и да удираат силно. Тоа е остварување на сонот и нема да ги разочараме. Не верувам дека има некоја предност во тоа што бев поактивен од Енди. Напорната работа и менталитетот на борецот се важни. Тоа е она на што се фокусирав секојдневно. Мојата цел е да победам, а потоа ќе видиме што ќе се случи понатаму. Борбата ќе заврши со нокаут, сигурен сум дека така мисли и Енди“.
