Официјално, најдобриот македонски каратист Емил Павлов ја исполни нормата за учество на Европските игри 2023 во Краков, Полска, од 9 до 25 јуни.
Засега, Павлов е единствен македонски каратист со 3-то учество на Европски игри. Ќе потсетиме дека на првите Европски игри во Баку, Азербејџан, во 2015 година освои бронзен медал.
Емил учествуваше и на ЕИ во Минск, Белорусија, во 2019 година, но не освои медал.
„Голема чест и привилегија е за мене што ќе имам можност по 3-ти пат во низа на европски игри да ја претставувам Македонија на највисоко ниво!
Голема благодарност упатувам до сите кои веруваат во мене и на поддршката за исполнување на оваа норма!“, напиша Павлов на Фејсбук.
