УФЦ долги години владее со светот на ММА и нема посилна и подобра организација од Ултимејт фајтинг шампионатот (УФЦ). Сепак, може да се каже дека натпреварувачите стануваат се посилни во последните неколку години, а неодамнешното спојување на ПФЛ и Белатор може да создаде легитимен конкурент на најсилната светска ММА организација.
ПФЛ и Белатор сега можат да делат борци од нивните соодветни листи, а нивниот заеднички список е сериозна приказна. Ако додадеме дека ПФЛ ги има правата и на Френсис Нгану, како и ППГ ѕвздата Џејк Пол, јасно е дека тие имаат адути в рака.
И покрај сето ова, Џо Роган смета дека борците кои настапуваат во други организации го губат своето драгоцено време. Роган беше домаќин на подкастот од Бо Никал, некогаш најдобриот американски борач, а моментално еден од најталентираните ММА борци во светот. Никал појасни дека УФЦ е единствената организација каде што тој всушност сакал да се бори и да го изгради своето ММА наследство, а Роган целосно го разбира.
„Нема непочитување кон другите организации, има навистина добри борци таму, но мислам дека тие ги трошат своите кариери. Гледам некои елитни борци во Белатор и ПФЛ, а во исто време си помислувам: „Еј момци, никој не ги гледа вашите мечеви“. Секако дека има одредена публика која ги следи, но тие добиваат само мал дел од фан-базата. Не сакам да звучам без почит, но тоа е реалноста. Тука е и ХФЛ, ЦФЛ, а потоа и НФЛ. Ако не си во таа НФЛ, дали воопшто играш американски фудбал? Кога сте шампион на УФЦ, вие сте главно лице, додека шампионите на Белатор не се. Секако дека имам голема почит и кон нивните шампиони. Сакам момци како Џони Еблен и навистина посакувам тој човек да дојде во УФЦ. Сите сонуваат за тоа чувство да се биде дел од УФЦ. Сакате Брус Бафер пред вас да вика „Време е! (‘Време е!’), е заклучокот на Роган на оваа тема“.
Многумина ќе речат дека Роган само ја брани компанијата во која ги помина последните 25 години, но Роган веројатно ја кажува вистината. УФЦ моментално е елитната организација и врвот на овој спорт. Други организации можеби се приближуваат до тоа ниво, но имаат уште многу работа.
