Боречкиот клуб Вардар се претстави добро на вториот ден од силниот Меѓународен турнир „Метеора куп“ во Трикала-Грција.
„Добро се претставија сите наши претставници, а за одбележување беше финалето во категоријата до 86кг, каде се сретнаа двајцата македонски шампиони, Александар Миланов и Редџеп Таири. Во рамноправна и неизвесна борба победата му беше доделена на Таири“, велат од Вардар и додаваат:
„Нашите репрезентативци прикажаа атрактивни зафати и сите присутни со воодушевување го следеа финалето“.
