Дејан Георгиевски е петти на „Президент купот“

Најдобриот македонски таеквондист, Дејан Георгиевски, на „Президент купот“ од Г3 серија во Софија, Бугарија, забележа победа и пораз.

Георгиевски во првото коло го совлада Бјелоус Ерик од Шпанија со 2-1 во рунди, а во четвртфиналето беше совладан од Енбија Таха Биџер од Турција 0-2, кој, пак во полуфиналето загуби од Русинот Владислав Ларин, со кого Дејан се бореше во финалето на Олимписките игри во Токио 2021 година.

Сепак, Дејан го освои петтото место и бодови за Олимписките игри во Лос Анџелес 2028 година.

Ларин во финалето загуби од Рафаил Аиукаев 1-2, третото место им припадна на Биџер и Иван Грасија од Шпанија.

Г3 Президент купот носи значително многу бодови за обезбедување олимписка норма.

+87 кг
Дејан Георгиевски – Бјелоус Ерик (Шпанија) 2-1
Дејан Георгиевски – Енбија Таха Биџер (Турција) 0-2