Жилберт Барнс ќе има голема борба на следниот настап во УФЦ.
Во УФЦ 273 Барнс излезе против Хамзат Чимаев и направи многу неизвесен и атрактивен меч. Сепак, на крајот победи Швеѓанецот со судиска одлука. Меѓутоа, Дана Вајт бил толку импресиониран од она што го видел од Дурињо па му исплатил победнички бонус.
Една недела подоцна, Барнс се сретна со Вајт, а за време на нивниот разговор, шефот на УФЦ му ветил голема борба. Бразилецот се уште не знае против кого ќе биде, но едвај чека да дознае.
„Очекував да победам, но такви работи се случуваат. Мило ми е што мечот им се допадна на сите.
Вчера имав состанок со Дана Вајт и тој исто така беше возбуден. Рече дека мојот следен меч ќе биде голем. Не знам против кого ќе биде, но ми се допадна тоа што го кажа. Ми вети голема битка. Му верувам и мирен сум. Да почекаме и да видиме“.
По неговиот последен меч Барнс ги предизвика браќата Дијаз и Хорхе Масвидал, верувајќи дека заслужува битка против големо име. Се чини дека Дана Вајт се согласува со него, но можеби името не се споменува.
И покрај неговиот следен противник, Барнс е решен да го продолжи договорот со УФЦ.
„Речиси сум сигурен дека ќе ми понудат нов договор. Го обновив пред мечот со Усман. Беше на 6 битки. Би се борел со Камару, Томпсон, а сега со Чимаев. Имам уште три натпревари. но ми беше ветено дека ќе ми понудат нов договор. Се надевам дека се ќе оди според планот. Ништо не е сигурно, но мислам дека имам право да побарам нов договор по ваков настап“.
