Дали Владимир Кличко најави можно враќање во рингот објавувајќи спаринг видео?
Украинската боксерска легенда Владимир Кличко ја имаше последната борба во април 2017 година, кога на Вемблиу загуби со прекин во 11-тата рунда од Ентони Џошуа.
Поранешниот светски шампион во тешка категорија неодамна ја разбуди имагинацијата на фановите објавувајќи спаринг видео и навестувајќи за можно враќање во рингот, за што многу се зборува во последно време.
Четириесет и деветгодишниот Владимир објави детаљ од спаринг сесија со сонародникот Дмитри Ловчински и покажа одлична форма со оглед на неговите години…
„Ментално, физички или и двете истовремено, но еден тренинг на ден, секој ден, секоја година. Најдете рутина и држете се до неа. Издржливост. Мојот метод „FACE“. Ајде да продолжиме да удираме“!, напиша Владимир Кличко во објава на социјалните мрежи.
Сè уште не е познато дали Кличко навистина ќе се врати во рингот. Ако го стори тоа, тогаш неговата цел е да го сруши рекордот на Џорџ Форман, кој се смета за најстар светски шампион во тешка категорија.
Легендарниот Американец Биг Џорџ ја освои титулата на 45-годишна возраст кога во ноември 1994 година во десеттата рунда го нокаутира Мајкл Мурер.
Mental, physical, or both at the same time, but one work out a day, every day, every year …
Find your own routine and make sure you really stick to it. That’s endurance. The E in my FACE method. Let's keep on punching! 💪#FaceTheChallenge #Willpower #Endurance pic.twitter.com/tx0m0JpodK
— Klitschko (@Klitschko) January 8, 2026
Фото: Screenshot (YouTube, BoxNation)
