Царукјан оцени какви му се шансите да стане следниот ривал на Илија Топурија
Вториот на ранг-листата на УФЦ во лесна категорија Арман Царукјан е убеден дека е многу блиску до добивање шампионска борба против актуелниот носител на титулата, Грузиецот Илија Топурија. Според Русинот, шансата ова да се случи е околу 70 отсто, а дури и немало разговори за други опции.
„Мислам дека има околу 70 % шанса да се борам со Топурија за титулата. УФЦ не ми понуди друг противник – зборуваме само за шампионска борба“, рече Царукјан во интервју за Јутјуб каналот на Камил Гаџиев.
На 28 години Царукјан веќе има солидна кариера зад себе во УФЦ, каде што се натпреварува од 2019 година. Има сркор од девет победи и само два порази во најголемата светска MMA организација, импресионирајќи со доминантни настапи против борци од топ 10.
Илија Топурија, во меѓувреме, ја освои титулата во лесна категорија претходно оваа година со нокаутирање на Чарлс Оливеира. Грузиецот остана непоразен во својата професионална кариера и брзо се етаблираше како нова ѕвезда во дивизијата.
Доколку овој долгоочекуван судир се оствари, ќе ги соочи двајца од најгладните и најтехничките борци во дивизијата еден против друг – и би можел да започне нова ера во лесната категорија.
