На Балканско кендо првенство во Црна Гора македонската репрезентација го освои бронзениот медал, со што го повтори најголемиот екипен успех, додека Златко Кесковски го има најдобриот резултат во поединечна конкуренција – второ место.
Македонската репрезентација во состав Владимир Кесковски, Андреј Атанасовски, Матеј Ивановски, Александар Петрески и Владимир Пешков до бронзениот медал дојде во конкуренција на седум држави: Ц.Гора, Србија, Турција, Романија, Хрватска, Бугарија и Македонија,
Македонија ги совлада Хрватска 1 и Хрватска 2 и имаше нерешен резултат со Ц.Гора, како и со Србија во полуфиналето, по што одлучуваат бројот на ипоните.
„Особено истакнат настап имаа сите заедно, но се издвоија Матеј Ивановски и Владимир Кесковски кој доби и награда за борбен дух. За забележување е настапот на Владимир Пешков (Легијата) кој дебитираше на Балканското првенство и оствари 6 победи и само еден загубен меч. Ова е втор бронзен медал на Балканските првенства екипно. Македонската кендо федерација е со двојно помала традиција од останатите федерации на Балканот но со најбрз и квалитетен развој исто така. Без медали останаа Ц.Гора, Хрватска, Бугарија и Турција“, изјави селекторот Златко Кесковски.
Златото го освоија репрезентативците на Србија, среброто заврши кај Романците.
Ipon.mk/В.Д.
