Конор Мек Грегор значи за УФЦ она што значи Мохамед Али за боксот. Оваа споредба ја направи светската шампионка во лесна категорија на професионалниот ринг Кејти Тејлор (20-0).
Ирката, која е и златна медалистка на Олимписките игри во Лондон 2012 година, петкратна светска и шесткратна европска аматерска шампионка, се чини дека многу го цени својот сонародник. И тоа не е случајно, со оглед на тоа што Ноториус е првиот во историјата на УФЦ кој истовремено поседува светски појаси во две различни категории.
„Конор е неверојатен спортист и одличен бизнисмен. Она што го направи за спортот и УФЦ е едноставно неверојатно, а мислам дека тој не е толку вреднуван како што треба, дури и овде во Ирска. За мене тој е Мухамед Али во УФЦ“, изјави Тејлор.
Таа додаде дека Мек Грегор секогаш се однесувал кон неа со голема почит и ја сметал за феноменална.
„Тој е глобална суперѕвезда. Конор беше господин на секоја наша средба. Ме поддржа, но најважно во овој случај е што го однесе УФЦ на сосема друго ниво“, изјави 35-годишниот Тејлор.
Се очекува Конор да се врати во пролетта 2022 година. Тој се уште се опоравува од скршеницата на левиот зглоб во битката со Дастин Пориер што се одржа летото. И иако претрпе два последователни порази од Дијамантот, според многумина Мек Грегор е фаворит да ја однесе светската титула во лесна категорија од Чарлс Оливеира при договарањето на меѓусебниот меч.
