Бојана Ковачова забележа победа, Спасија Василева во репасажот на ЕП во борење за кадети
Денес Бојана Ковачова забележа победа на Европско првенство во борење за кадети (У-17) во Скопје, а Спасија Василева доби шанса во репасажот.
Бојана Ковачова во категоријата до 53 килограми ја совлада Миријам Мисакова од Словачка 9-0, но во наредното коло загуби од Сали Хамарбаек од Шведска 2-4.
Спасија Василева (46 кг) не можеше да и парира на фаворитката Ирена Цидеева (УВВ) која победи со 0-10, однонсо технички туш, но затоа и овозможи репасаж на Спасија Василева против Назрин Ахмадли од Азербејџан. Ако Спасија ја искористи оваа шанса ќе се бори за бронзен медал.
Од утре почнуваат борбите во слободен стил, познати се противниците на нашите репрезентативци.
На Европското првенство ќе настапуваат 800 натпреварувачи од 40 држави.
Македонија ќе ја претставуваат вкупно 18 борачи – по 9 во машка и 9 во женска
конкуренција.
Резултати – Европско првенство:
Жени
40 кг Фросина Атанасова – Зехра Оздемир (Турција) 1-4
46 кг
Спасија Василева – Ирена Цидеева (УВВ) 0-10
Репасаж
Спасија Василева – Назрин Ахмадли (Азербејџан)
53 кг
Бојана Ковачова – Миријам Мисакова (Словачка) 9-0
Бојана Ковачова – Сали Хамарбаек (Шведска) 2-4
61 кг Тамара Цветкоска – Теа Амбре Русел (Франција) 2-13
65 кг Викторија Ѓурова – Анастасија Команава (УВВ) 0-10
69 кг Нина Славевска – Зејнеп Сулџу (Турција) 0-10
Мажи
45 кг Андреј Мишев – Нетанел Рахмицов (Израел)
48 кг Леон Манов – Кирил Ницик (УВВ)
51 кг Мираџ Мустафа – Шимон Роговиц (Полска)
55 кг Дардан Бела – Ервис Барди
60 кг Марио Ананиев – Хасан Хасанов (Азербејџан)
65 кг Даријан Павлев – Матис Сарасин (Швајцарија)
71 кг Димитар Атанасов – Коба Гогуадѕе (Грузија)
80 кг Зоран Шоров – Назар Соломон (Моладавија)
92 кг Христијан Димитриев – Стефан Стефанов (Бугарија)
