Поранешниот светски шампион во тешка категорија Бирмејн Стиворн му се закани на руската ѕвезда Александар Поветкин дека ќе го нокаутира.
Тие треба да се сретнат за привремената титула на Светскиот боксерски совет. Победникот од оваа средба ќе има можност да боксира со шампионот на организацијата Дионтеј Вајлдер, кој во моментов ја залечува повредата.
„Планирам да го нокаутирам Поветкин, а потоа ќе му се одмаздам на Вајлдер“.
Организатор на мечот најверојатно ќе биде Дон Кинг. Тој планира оваа средба да се одржи на егзотична дестинација, како Република Конго или Филипините.
