Ардијан Аземи (-91 кг) во рамноправен меч загуби со одлука на судиите во осминафиналето од Кубанецот Хорхе Фелимон на Светското боксерско првенство за млади во Киелце, Полска.
Аземи одлично ги избоксира сите три рунди, а во втората и третата имаше многу поубдлив настап, нешто што Кубанецот не го очекуваше.
Во првата рунда Кубанецот притискаше со левицата и се обидуваше да го донесе Аземи во аголот. Ардијан враќаше со брзи крошеа.
Аземи во втората рунда наметна свој стил борба кој му овозможи повќе удари, а предната десница беше брза и правеше простор за удари.
И во третата нашиот боксер тргна поагресивно и добро избокисра тактички, може да се рече и дека беше подобар.
