Aлександaр Усик пред една недела го победи Тајсон Фјури во меч за апсолутен шампион во тешка категорија.
Во договорот на нивната борба е вметната и реванш клаузула која поразениот борец може да ја активира.
Британецот побара реванш уште додека беше во рингот, но засега нема официјална потврда дека борбата е договорена.
Копромотерот на Фјури, Боб Арум, истакнува дека Џипси Кинг сака да организира реванш што е можно поскоро.
„Тајсон сака реванш и затоа е многу нервозен. Малку е веројатно дека тоа ќе се случи во октомври, веројатно еден месец подоцна или во декември. Пред оваа борба, овие борци тренираа цела година и едноставно нема смисла веднаш да се вклучат во нов тренинг камп“, изјави Боб Арум и додаде:
„Мислам дека Саудијците ќе се погрижат реваншот да биде договорен што е можно поскоро, но вистината е дека борбата би можела да се одржи на друго место. Никој друг не е способен да понуди толкав хонорар како тие за толку голема борба. Саудијците се исто така одлични домаќини“.
