Артур Абрахам ја изгуби титулата светски шампион на ВБО во супер средна категорија.
„Кралот Артур“ се бореше во воведниот дел на настанот Пакијао-Бредли III и загуби со едногласна одлука од Жилберт Рамирез (34-0, 24 КО).
Судиите на непоразениот Мексиканец му доделија победа во сите рунди 120-108. Рамирез стана првиот Мексиканец кој ја освоил светската титула во супер средна категорија и втор Мексиканец кој станал светски шампион во категорија потешка од средна.
„Го однесов во мексиканската бокс школа. Тој е многу, многу моќен удирач, но не можеше да се справи со моите движења. На половина од борбата знаев дека ќе победам. Дојдов овде да влезам историјата и го направив тоа“, изјави Рамирез по победа.
На Абрахам (44-5, 29 КО), ова му е трет пораз во четвртата борба во САД. Ова му беше шеста одбрана на титулата во второто владеење како шампион на ВБО.
Оскар Валдез (19-0, 17 КО) со прекин во 4 рунда го совлада поранешниот светски шампион во перолесна категорија Евгениј Градович (02.01.21, 9 КО).
https://youtu.be/jzZC0UXkmGQ
https://youtu.be/KYXSFPW-z00
https://youtu.be/FHbwZ3seIyI
