Американскиот боксер во супертешка категорија, Амир Мансур (22-1, 16 КО), ги кажа своите очекувања за претстојниот меч меѓу светскиот шампион на ИБФ, ВБА, ВБО и ИБО, Владимир Кличко и Британецот Тајсон Фјури. Како што е познато, двајцата требаше да се соочат на 24 октомври на стадионот во Дизелдорф, но дуелот беше одложен за 28 ноември поради повреда на Украинецот.
„Сметам дека Владимир Кличко изгледаше многу лошо во борбата со Џенингс. Во исто време, за Фјури знам дека тренира како вистински шампион, како еден гладен човек. Мислам дека Фјури може да победи Владимир. Искрено да ви кажам, не верувам дека Кличко имал повреда. Само, според мене, тој знае дека не може да го победи Тајсон Фјури “, изјави Амир Мансур во интервју за Fighthype.cоm.
