Големата легенда на боречките вештини Алистер Оверем викендов влегува во кафезот. Тој ќе се бори со Александар Волков на УФЦ Фајт најт 184 во Лас Вегас. „Рем“ е во серија од две последователни победи со нокаут, а сега има 40 години. Сфаќа дека ќе мора да ја заврши кариерата по уште неколку борби и верува дека ќе се справи со Волков.
Алистер сонува за последна шанса за титулата во најголемата ММА организација. Тој беше шампион во Страјкфорс, Дрим и К-1, а сега сака да го додаде и УФЦ појасот во колекцијата. Битката против Волков ќе биде одлучувачка за Оверем и е сигурен во себе.
„Викендов ќе забележам нова победа. Сè уште го сакам спортот, тренинзи и сè околу него. Треба да бидам реален, времето ми истекува.
Последен обид за титула во УФЦ, затоа што верувам дека ќе биде моја. Сега е време“, напиша легендарниот спортист на социјалните мрежи.
.
