Ален Рустемовски по освојувањето на „Златниот гонг“: Ова не е само трофеј… ова е момент што ќе го паметам цел живот!

„Голема чест и вистинска привилегија е да го освојам трофејот „Златен гонг“. Овој турнир има долга историја и голема тежина — и денес моето име се запиша меѓу шампионите“, напиша на Фејсбук најдобриот македонски боксер Ален Рустемовски по освојувањето на Златниот гонг чии финални борби се одржаа вчера во СЦ „Борис Трајковски“ во Скопје.

„Гордо го носам ова признание како доказ за секој тренинг, секоја жртва и борби што никој не ги гледа. Ова не е само трофеј… ова е момент што ќе го паметам цел живот. За Македонија“!