Шампионите во бокс во тешка категорија, Тајсон Фјури и Александар Усик, договорија меѓусебна пресметка која ќе се одржи во Саудиска Арабија, па светот ќе добие апсолутен шампион кој ќе ги има сите шампионски појаси.
Борба помеѓу Британецот и Украинецот ќе се одржи на 23 декември или некаде во јануари. Инаку, и Фјури и Усик немаат пораз во кариерите.
‼️ Tyson Fury vs Oleksandr Usyk is reportedly now SIGNED for the undisputed WBA, WBC, IBF & WBO heavyweight world titles and will take place on Dec 23rd or in January. [According to @MikeCoppinger] pic.twitter.com/0ZyCF0KBr9
— Michael Benson (@MichaelBensonn) September 29, 2023
Фјури кој е шампион во верзијата ВБЦ, во октомври ќе има борба против Франсис Нгану, а потоа ќе го нападне Усик кој е првак во верзиите ВБА, ИБФ и ВБО.
„Ова е најголемата борба што може да се организира во нашиот спорт. Не се сомневам дека ова ќе биде најголемиот боксерски настан на векот“, рече промотерот Френк Ворен.
Последен боксер кој ги имаше сите појаси во тешка категорија, беше Ленокс Луис во 1999 година, па Усик или Фјури ќе биде првиот апсолутен шампион во 21-ви век.
View this post on Instagram
