Мустафовски обезбеди место во репрезентацијата за СП во Сараево!

Рамадан Мустафовски од Тефејуз беше подобар од Џан Назифов од Балканец во преборувањето во категоријата до 74 килограми за место во репрезентацијата за Светското првенство за кадети во Сараево, Босна и Херцеговина, од 25 до 30 август.

Борачите имаа две борби, кои на поени ги доби Мустафовски.

Борбите се одржаа вчера во склоп на традиционалниот Меѓународен турнир во борење за кадети и младинци во организација на „7 Мај Леов“ во Прилеп.

Елмедин Сејфулаху, Минир Реџепи, Фиданчо Јованов и Рамадан Мустафовски ќе му бидат на располагање на селекторот Седат Бафтија за спроведување на завршнити подготовки.

ipon.mk/В.Д.