Едно од најпочитуваните имиња во професионалниот кик бокс овие денови е пред промена на рингот за октагонот. Бразилецот Алекс Переира, поранешен Глори шампион во средна и полутешка категорија, ќе дебитира во најкомерцијалниот ММА синџир до крајот на годината.
34-годишниот Бразилец не е непознат за ММА и има дури три победи и еден пораз.
Иако засега нема ништо официјално, голем број реномирани американски сајтови известуваат дека „Поитан“ ќе дебитира на најпрестижната ММА сцена на 6 ноември на УФЦ 268. Негов прв противник е борецот од средната дивизија Андреас Михаилидис. 33-годишниот Грк веќе има една победа оваа година, победувајќи го КБ Булар.
Переира последен пат беше виден во акција минатиот викенд на главниот настан за загревање на Глори 78. Јужноамериканецот загуби од Русинот Артем Вахитов и го загуби појасот во полутешка категорија, со што го заврши договорот со елитната кик бокс организација.
