Денеска на 74 години почина првиот светски шампион во традиционално карате Сенсеи Луис Ватанабе од Бразил. Тажната вест ја објави Интернационалната традиционална карате федерација во која Сенсеи Ватанабе беше претседател на Шихан-Каи комитетот на ИТКФ.
Ватанеб во 1972 година на првиот светски шампионат во Париз, Франција стана светски шампион во кумите-борби. По завршување на неговата напреварувачка кариера ја предводеше бразилската карате репрезентација со која како тренер освои многу светски титули. Беше ученик на творецот на традиционалното карате Хидетака Нишијама.
Јапонецот Ватанабе роден 1947 година во Сао Паоло, Бразил, целиот свој живот го посвети на каратето.
Тој на ИТКФ светскиот шампионат во 2015 година во Копер, Словенија лично му го додели златниот медал на македонскиот каратист Дејан Недев.
