Флојд Мејведер за полседен пат ќе се бори на 12 септември!

Најдобриот боксер на денешницата, 38-годишниот Флојд Мејведер, последниот меч во рингот ќе го направи на 12 септември, а потоа ќе се повлече од боксот. Веста беше соопштена од официјалните претставници на Шоутајм – ТВ каналот кој ги емитува борбите на Мејведер. 

„Флојд денес самоуверено изјави дека ќе се бори на 12 септември. Тој потврди дека тоа ќе биде последната битка во неговата кариера. Не сакам тој да се повлече од боксот, но тој е многу години во овој спорт и треба да ги почитуваме неговиот изборот“.

Мејведер веќе 19 години е во професионалниот бокс. За овој период тој стана шампион во пет различни категории и ќе биде запаметен како најдобар боксер на нашето време. Од 48 меча тој има 48 победи.