Алекс Переира: Во тешка категорија ќе го видите истиот Поатан

Алекс Переира е категоричен дека преминувањето во тешка категорија нема да го промени начинот на кој се бори.

Поранешниот шампион во средна и полутешка категорија на УФЦ ќе се соочи со Сирил Гане во борба за привремената титула во тешка категорија на УФЦ Фридом 250, но тој ги уверува фановите дека ќе го видат познатиот Поатан.

„Ќе го видите истиот Поатан. Мислам дека одлично се справивме во мојата последна борба и во сите претходни категории во кои се натпреварував“, рече Переира.

Според Бразилецот, единствената значајна разлика ќе биде тежината.

„Разликата ќе биде во килограмите, но Поатан ќе остане ист“, додаде тој.

Переира влегува во една од најважните борби во кариерата, бидејќи победата над Сирил Гане би го направила првиот борец во историјата на УФЦ кој освоил верзија на шампионски појас во три различни тежински категории.

Во последните месеци Бразилецот значително ја зголеми тежината, но постојано нагласуваше дека нема намера да ги жртвува брзината, техника и агресивен стил во замена за поголема маса.

На 15 јуни, фановите ќе дознаат дали „Поатан“ всушност ќе остане ист против некои од најголемите и најопасните борци во UFC.