Том Аспинал се подложи на втора операција на окото и покрај тврдењата на Дана Вајт
„О, Боже, не ме терај да зборувам за окото на Том Аспинал. Очигледно оди на втора операција, или само што имал една, или... и под операција мислам на инјекции. Немам поим. Побарај му интервју“.
Том Аспинал навистина е опериран за сериозна повреда на окото, и покрај тврдењето на Дана Вајт дека шампионот во тешка категорија на УФЦ бил лекуван само со инјекции.
На прес-конференцијата на 24 јануари претседателот на УФЦ изјави дека „операцијата“ на Аспинал всушност била „инјекции“, но фотографиите што Британецот ги сподели вчера се доказ за втора операција додека се бори со повреда предизвикана во октомври од удар во окото од Сирил Гане.
„Индипендент“ дознава дека Аспинал ја имал првата операција за време на божиќниот период и дека не примил такви инјекции. Нема планови за такво нешто, бидејќи продолжува со закрепнувањето од повредите што ја завршија неговата прва одбрана на неприкосновената титула во првата рунда кога неговата борба со Ган беше поништена на УФЦ 321.
По бурниот крај на главниот настан Вајт беше критикуван за тоа што сугерираше дека Аспинал не сака повеќе да се бори. Всушност, 32-годишниот борец беше итно префрлен во болница во Абу Даби, каде што се одржа борбата, а неговата идна боречка кариера останува неизвесна.
Кога беше прашан за закрепнувањето на Аспинал, Вајт во јануари рече:
„О, Боже, не ме терај да зборувам за окото на Том Аспинал. Очигледно оди на втора операција, или само што имал една, или… и под операција мислам на инјекции. Немам поим. Побарај му интервју“.
Сега, Аспинал сподели фотографии од неговата последна операција преку Optegra Eye Health Care, кој напиша на Инстаграм:
„По широко публикуваната повреда на окото, тимот на експерти на Optegra е горд што го поддржа ММА борецот и шампион во тешка категорија на УФЦ, Том Аспинал. Тесно соработувавме со него на неговото закрепнување во последните неколку месеци. По операцијата на двете очи, продолжуваме со патувањето за да го вратиме видот на Том во боречка форма“.
Борбата на Аспинал со Гане беше прва одбрана на неприкосновената титула откако минатото лето беше промовиран од привремен шампион. Аспинал беше промовиран кога Џон Џонс се пензионира од ММА и во тој процес се откажа од регуларниот појас. Владеењето на Џонс како шампион се покажа како многу контроверзно – и покрај тоа што двајцата ги држеа титулите истовремено 17 месеци, Џонс одби да се бори против Аспинал.
