Педи Пимблет и Џастин Гејџи во јануари ќе се борат за привремената титула на УФЦ

Шефот на УФЦ, Дана Вајт, најави неколку многу интересни мечеви на идните настани, а борбата што ќе го предводи настанот во Лас Вегас на 24 јануари привлече посебно внимание.

Започнувајќи нова ера на соработка меѓу најголемата светска MMA организација и Парамаунт, главниот настан на УФЦ 324 ќе ги претстави Џастин Гејџи и Педи Пимблет во борбата за привремената титула во лесна категорија.

Имено, бидејќи шампионот Илија Топурија направи пауза, промоцијата одлучи Гејџи и Пимблет да се борат за привремениот појас, а тоа предизвика гнев кај Арман Царукјан.

Минатиот викенд на настанот во Катар, Ерменецот го победи Новозеландецот Ден Хукер со завршница во средината на втората рунда, и се етаблираше како прв кандидат за борбата за титулата во лесна категорија.

Големиот Царукјан требаше во јануари да се бори со Ислам Махачев за шампионскиот појас, но се повреди еден ден пред настанот и го откажа настапот.

Не помина долго време на реакцијата на Арман, кој напиша на X: „Нека има смисла“.

А конасовната борба ќе биде битка за шампионскиот појас во бантам категорија во која Кајла Харисон ќе ја брани титулата против легендарната Аманда Нунеш, која се враќа од пензија.

Најавени се борбите за настанот УФЦ 324:

Пади Пимблет – Џастин Гејџи
Кајла Харисон – Аманда Нунеш
Шон О’Мели- Сонг Јадонг,
Дерик Луис – Валдо Кортез-Акоста
Арнолд Ален – Џина Силва,
Роуз Намахунас – Алекса Грасо
Умар Нурмагомедов – Дејвесон Фигуеиредо.