Хабиб Нурмагомедов откри кога ќе ја заврши тренерската кариера во ММА

Поранешниот шампион во лесна категорија на УФЦ и член на Куќата на славните, Хабиб Нурмагомедов, изјави дека ќе ја заврши тренерската кариера кога неговите најблиски ученици ќе се пензионираат.

„Моите приоритети во MMA се Усман, Умар и Ислам. Кога тие ќе ги завршат своите кариери, јас ќе се пензионирам“, рече Нурмагомедов, цитиран од Ред корнер ММА.

37-годишниот Русин се повлече од професионалниот спорт во октомври 2020 година, откако го победи Џастин Гејџи на УФЦ 254 во Абу Даби со завршница во втората рунда. Тоа беше неговата 29-та победа без пораз во неговата професионална кариера.

По завршувањето на активната натпреварувачка кариера Хабиб се посвети на тренерството и изгради еден од најсилните тимови во светот, во кој се вклучени Ислам Махачев, актуелниот шампион во лесна категорија на УФЦ, како и неговите братучеди Умар и Усман Нурмагомедови, кои се исто така меѓу водечките имиња во светските организации на MMA.