Еди Херн: Ентони Џошуа ќе се врати во рингот во наредните месеци

Поранешниот шампион во тешка категорија, Ентони Џошуа, ќе се врати на рингот во следните неколку месеци, потврди неговиот промотор Еди Хeрн. Сепак, сè уште не е одлучено како ќе се случи тоа враќање.

Хeрн рече дека Џошуа би можел да ја води првата борба во 2025 година во Африка, но не ја исклучи можноста Британецот да се појави на подкартата на настанот „Мечрум“. Меѓу дискутираните опции е борбата против Џејк Пол, која би можела да се одржи подоцна оваа година како дел од шоуто на Нетфликс.

„Не знам дали ќе се бори во 2025 година“, изјави Херн за ЕСПН. „Веројатноста е голема, но кога ќе го спомнам, сите веднаш почнуваат да нагаѓаат кога. Тој веќе почна да тренира и сака да се бори. Без разлика дали е во февруари, против Џејк Пол во декември или на еден од нашите претстојни настани, сè е можно“.

Промоторот потврди дека имало контакт со претставниците на Џејк Пол откако неговиот егзибициски меч против Џервонта Дејвис беше откажан.