Ентони Џошуа доби понуда за реванш: Секако дека сум заинтересиран за уште една борба

Поранешниот двократен светски шампион во тешка категорија Ентони Џошуа е надвор од рингот повеќе од 13 месеци, а неговиот промотор Еди Хeрн вели дека ќе се врати на почетокот на 2026 година.

Неговата последна борба беше минатиот септември, кога на преполниот Вембли загуби сонокаут во петтата рунда од Даниел Дубоа во меч за светската титула на ИБФ.

Тоа беше трета по ред победа на Дубоа, откако претходно со прекин ги победи Џарел Милер и Филип Хрговиќ.

По најголемиот триумф во неговата кариера, Даниел се согласи на дуел за апсолутен шампион против Александар Усик.

А непоразениот украински борец повторно го победи Дубоа. Тоа беше нивниот втор меч во нивните кариери.

Усик го нокаутира Дубоа во деветтата рунда во август 2023 година, а сега во јули беше уште поубедлив – го победи Британецот со нокаут во петтата рунда.

Поранешниот шампион Даниел Дубоа ја продолжува кариерата со новиот тренер Тони Симс и е подготвен да се врати во акција. Во неодамнешно интервју за ИФЛ ТВ, призна дека е заинтересиран за реванш со Џошуа.

„Секако. Секако дека сум заинтересиран за уште една борба со Еј-Џеј“, нагласи Даниел Дубоа.

Претходно, менаџерот на Џошуа, Еди Херн, зборуваше за желбата на Еј Џеј за одмазда и реванш против Дубоа. Привремениот шампион на ВБЦ, Агит Кабајел, исто така изрази интерес за борба со Даниел.