Тренерот на Џек Дела Мадалена: Брадата на Махачев не е како на Белал

Главниот тренер на шампионот во велтер категорија Џек Дела Мадалена, Бен Викерс, верува дека Австралијанецот има квалитети да го победи Ислам Махачев во главната борба на УФЦ 322 на 15 ноември во Медисон сквер гарден.

„Не мислам дека Ислам ја има брадата на Белал. Видовме дека ако Џек зададе чист удар, секој може да падне – без разлика дали е во првата минута или во петтата рунда“, изјави Викерс за Сабмишн радио.

„Неговото кардио е исклучително – дури и Белал, кој се смета дека има најдобро кардио во УФЦ, беше поуморен на крајот. Џек има сила, издржливост и способност да контролира долги борби“.

Викерс очекува Махачев да бара брзи клинчови и соборувања, но без непотребен ризик:

„Тој е смирен, паметен и дисциплиниран. Ќе се обиде да го внесе Џек во својата игра, но на нозе ќе прима удари, како Белал. Затоа верувам дека шансата на Џек да го казни е голема“.