Чимаев постојано вели дека има многу пари, а мене ме интересира како неговиот лик ќе се справи со првиот пораз во кариерата

Шампионот на УФЦ, Дрикус ду Плесис отворено се прашуваше како би реагирал Хамзат Чимаев на првиот професионален пораз во MMA.

Утре, ду Плесис ќе ја брани титулата во средна категорија против непоразениот Чимаев во една од најочекуваните борби во последните години. Многумина предвидуваат дека борецот од чеченско потекло ќе стане шампион, но потценувањето на ДДП се покажа како опасна грешка во минатото.

Ду Плесис влегува во оваа борба со репутација на веќе етаблиран шампион, додека Чимаев го носи товарот на високи очекувања и совршен резултат. Сепак, ако не успее да победи во Чикаго, останува прашањето каде ќе оди неговата кариера.

„Мислам дека по сабота вечер ќе биде време за интроспектива и прашањето „што е следно“?. Не знам каде е ментално. Знам дека постојано вели дека има многу пари – не ги проверив неговите банкарски извештаи, но го кажува тоа. Тој е толку уверен дека ќе стане светски шампион, а јас сум тука да му кажам: не. Нема шанси ти да бидеш шампион додека јас сум шампион. Ќе биде интересно да се види како тој ќе се справи со тоа“, рече ду Плесис на УФЦ 319 медија деј.

Јужноафриканецот се присети дека самиот поминал низ горчливото искуство на својот прв пораз:

„Го почувствував мојот прв пораз. Знам какво е чувството. Ужасно е. Но, тогаш излегува твојот лик. Па ќе биде интересно да се види како ќе се опорави после тоа“.