Почина легендата на кечерството, Хулк Хоган

На 71-годишна возраст почина легендата на борењето (кечерството) Хулк Хоган, објавија медиумите преку Океанот.

Хоган, роден Тери Џин Болеа, утрово беше пронајден мртов во својот дом во Клирвотер, Флорида.

Според ТМЗ, службите за итни случаи реагираа на местото на настанот откако добиле повик за „срцев удар“. Болничарите и полициско патролно возило биле паркирани пред домот на Хоган во четврток наутро. Хоган беше изнесен од својот дом на носилка и во амбулантно возило.

Wrestling legend #HulkHogan has died at 71 years old, TMZ Sports has learned. 💔🕊️

Full story at the 🔗 HERE: https://t.co/Ou77mrRNYk pic.twitter.com/tsDDHAd73e

— TMZ (@TMZ) July 24, 2025

Причината за смртта на иконата на борењето сè уште не е официјално објавена. Влошената здравствена состојба на Хоган е позната веќе некое време, вклучувајќи ги и гласините дека бил на „смртна постела“ и во кома. Сепак, неговата сопруга Скај брзо ги негираше извештаите, велејќи дека срцето на нејзиниот сопруг е „силно“ и дека се опоравува од операција на вратот.

Хоган се здоби со слава по својата кариера во борењето, станувајќи повеќекратен шампион и помагајќи да се поттикне експлозивниот раст на забавната индустрија во 1980-тите и 1990-тите. Тој беше исто така еден од првите борачи што стигнаа до Холивуд, а неговото прво големо филмско појавување дојде во третиот дел од франшизата „Роки“ во 1982 година.

Foto: www.instagram.com/hulkhogan