Погледнете ја фармата на Александар Волкановски вредна 4,5 милиони долари
Александар Волкановски сподели неколку фотографии од неговата фарма вредна 4,5 милиони долари. Актуелниот шампион во перo категорија на УФЦ откри дека фармата е од 200 хектари и е блиску до автопатот и училиштето на неговите деца. „Великиот“ ја купи фармата во 2024 година и сè уште го отплаќа кредитот.
„Што направив со мојата последна плата? Мојата последна плата беше фармата. О, чекај, ја добив пред борбата со Диего Лопез, но сè уште ја отплаќам. Всушност не трошам пари за себе. Сè оди за градење на мојата империја. Го правам тоа за моето семејство. Фармата е од 200 хектари. Имаме фарми во Австралија кои се од милиони хектари. Доста е голема за местото каде што живееме.
Лудото е што сè уште сум блиску до сè. Училиштето е оддалечено 20 минути, салата е на 25, автопатот е на 10. Се чувствувам како да сум на средина од никаде, но не е. Имотот има електрична енергија, работи на природна изворска вода. Дури и поставувањето гаража или барака бара одобрение од советот“, рече Волкановски во поткастот на Деметриус Џонсон.
Според View.com.au и CoreLogic, Волкановски ја купил фармата во јуни 2024 година за 4,5 милиони долари откако била на пазарот 37 дена. Претходниот сопственик ја купил во 2002 година за само 400.000 долари. Волкановски, 36, има скор од 27-4 во ММА.
Во последната борба во април го победи Диего Лопез и ја врати титулата. Сега сака да се бори во октомври или ноември. Веројатно ќе се бори со Мовсар Евлоев или Јаир Родригез.
View this post on Instagram
