Тешкашката сензација Мозес Итаума во август се соочува со најголемиот предизвик во кариерата.

Големата британска надеж Мозес Итаума (12-0, 10 КО) прави големи чекори кон врвот на ранг-листата во тешка категорија.

20-годишниот тешкаш, кој сопре десет свои противници во првата или втората рунда, наскоро ќе се соочи со најтешкиот предизвик во својата кариера.

Според боксерското списание „Ринг“, непоразениот нокаутер на 16 август во Ријад ќе се бори со сонародникот Дилиен Вајт.

Доколку Итаума успешно го победи искусниот ветеран, тој веќе би можел да достигне статус на кандидат за голема борба, или шанса да се бори за светска титула.

Младиот Британец со технички нокаут во втората рунда пред две недели го победи поранешниот американски фудбалер Мајк Балогун.

Искуството и вештините на 37-годишниот Вајт (31-3, 21 КО), двократен привремен светски шампион во тешка категорија и поранешен предизвикувач на светската титула, треба да бидат голем тест за Мозес.

„Крадецот на тела“ има добиено три борби од поразот во 2022 година од Тајсон Фјури, а во последната борба минатиот декември со прекин по седмата рунда го победи Ебенезер Тетех.