Крег Џонс моментално се наоѓа во Колумбија, каде што стана жртва на се повообичаено и опасно злосторство насочено кон странските туристи во јужноамериканската земја.
Џонс објави снимка од камери на телото на која едвај е свесен и се бори да стане, велејќи дека неговиот пријател Сет Белис го спасил откако бил издрогиран во Колумбија. Според бразилската џиу џицу (БЏЏ) ѕвезда, тие вечерта биле излезени во бар, по што нивните пијалоци биле засипени со силен седатив во наводен обид да ги киднапираат и ограбат.
„Она што всушност ми се случи е дека ми дадоа „ѓаволски здив“, скополамин. Направено е од некакво дрво овде во Колумбија. Чудната работа е што се сеќавате на сè во однос на броевите и пин-кодовите.
Не можев да одам, но сепак се сетив на седумцифрената шифра за да го внесам мојот AirBnb, поради што губиш толку многу пари. Ме заеба некое време, уште имам доста губење на меморијата. Мојот мозок очигледно не е оптимален со години, но сега е потоптимален, затоа бидете внимателни овде во Меделин“, рече Џонс.
Американската амбасада издаде предупредување за дрогирани граѓани убиени во Колумбија. Џонс изгледа доволно среќен што не доживеал нешто полошо, бидејќи она што тој го опишува е сè повообичаено злосторство во Колумбија. Според Би-Би-Си, повеќе од 30 странски туристи биле убиени во Меделин откако биле дрогирани и ограбени во 2023 година.
Во 2024 година се вели дека бројот на загинати се искачи на најмалку 39, од кои половина се Американци.
View this post on Instagram
