Брендон Лоунејн, поранешен шампион на ПФЛ, имаше можност да тренира со Конор Мек Грегор и верува дека Ирецот навистина сака да се врати во кафезот на УФЦ. Англичанецот верува дека Конор е гладен за борби во октагонот на УФЦ.
Конор Мек Грегор повеќе од една година зборува за враќање во кафезот. Ирецот ќе се бори со Мајкл Чендлер, но датумот на нивната борба се уште не е одреден. Мек Грегор требаше да се бори со Чендлер во јуни, но се повлече од борбата поради скршеница на малиот прст.
Многу луѓе не веруваат дека Конор ќе се врати во кафезот. Лоунејн има поинакво мислење и го кажа следново за ММА час:
„Секако дека Конор Мек Грегор сака да се бори. Парите не му се важни. Тој сака да се бори. Бев во сала со него околу четири или шест недели. Трениравме секој ден. Спариравме секој ден. Мек Грегор е гладен.
Не треба да го прави тоа. На крајот на краиштата, тој е милионер. Тоа го прави поради љубовта кон овој спорт. Тоа е она што го пали огнот кај луѓето како мене и Конор“, изјави Логан.
Мек Грегор е поранешен двократен шампион на УФЦ. Ирецот не се борел од јуни 2021 година и имаше четири ММА борби во последните шест години и победи само една. Во неговата последна борба загуби од Дастин Пориер откако ја скрши ногата.
View this post on Instagram
