Конор Мек Грегор ја објасни причината за откажувањето на враќањето во кафезот на УФЦ.
Се очекуваше Мек Грегор да се врати во октагонот против Мајкл Чендлер на УФЦ 303. Сепак, прес-конференцијата во Даблин беше брзо откажана по гласините за уште една повреда што може да стави крај на долгоочекуваното враќање на Мек Грегор. Извршниот директор на УФЦ Дана Вајт минатата недела ја потврди лошата вест, но до сега не ја знаевме точната причина за откажувањето.
Ирската ММА ѕвезда на социјалните мрежи сподели што точно го спречило да влезе во кафезот со Чендлер на 29 јуни.
„Човеку, бевме многу подготвени за оваа борба, апсолутно е болно да си заминеш“, напиша Мек Грегор на Инстаграм. „Го сакам тоа ново Бугати, како можам да го оправдам купувањето без да заработам пари од борбата. Имавме момент на невнимание и отидовме на тренинг без целосна заштитна опрема, го удрив палецот во лактот и го скршив. Му требаат неколку недели, тоа е се. Не можев да се оправдам на мојот тим или на навивачите повторно да влезам повреден во борба. Тоа веќе го видовме“.
View this post on Instagram
Во негово отсуство, промоцијата побара од актуелниот шампион на УФЦ во полутешка категорија Алекс Переира да ја брани титулата до 93 килограми во реваншот од пет рунди против поранешниот шампион во дивизијата Јиржи Прохаска.
„Овој следен влез мора да биде, а ќе биде 100% Конор Мек Грегор“, продолжи Ирецот. „Навивачите го заслужуваат тоа и ние сме блиску. Се случи момент на невнимание и незгодна повреда. Тоа е тоа. Земете поука и да продолжиме понатаму. Ќе се вратам. Морам. Имам уште две борби во договорот. Размислувам за бугати и за повеќе јахти. Доаѓам да блеснам. Само треба да одвојам малку време. Затоа што сè уште имам јахти и Бентли и дворци и сè. И самите знаете. Но, следете ме, ќе се вратам. Се гледаме наскоро. Се гледаме на врвот. Чендлер или не “.
38-годишниот Чендлер не се борел речиси две години, полагајќи ги своите надежи во спектакуларната пресметка против Мек Грегор.
